SANT'ANTONI

Sant'Antoni..

Kande, che i lughea da fora
se kapia che l'era ora,
kei di,no eraion pi soi
se impienia le masoi.

Anca se no i portea batoci
con tanti, eraion gran soci,
sei vedea tant olentiera
parkè l'era festa vera.

L'era la festa de sant'antoni
che spetea tosat e noni
e tut quant filea dret
anca se eraion poret.

Coraion fora in virane
a incontrà le carovane,
no ogorea tante mostre,
ne bastea en per de giostre.

Era semper tanta dent
e noi eraion content,
anca in te la confusion
no mankea le orathion.

I venia par i cordoi
par lori e par i fioi,
e po i vea in prothison
con tanta devothion.

Pena che fenia la messa
scampaion de gran pressa,
eraion proprio contenti
ne spetea i divertimenti.

Calche skeo i ne lo dea
ma pi che alter se vardea,
tra giostre e tiro a segno
ne tokea doprà l'ingegno.

Giraion tra la dent
par saludà tutti i parent,
l'era en modo en cin furbeet
par tirà su calche skeet.

L'era proprio na gran festa
de cor e anca de testa,
de segur chei dì a Rosson
a nissun ghe venia son.

Ades le cambià tut quant,
sant'Antoni el e pi grant
sarà parkè no son pi kel
ma alora me saea pi bel.